«Biełavija» hadzinu trymała pasažyraŭ u samalocie biez kandycyjaniera — u sałonie było 40 hradusaŭ
Na rejsie 7 lipienia Antalija — Homiel ludzi hadzinu siadzieli ŭ samalocie sa złamanym kandycyjanieram i tempieraturaj u sałonie +40. Paviedamleńnie pra heta apublikavaŭ pablik «Podsłušano Biełaruś».
09.07.2024 / 09:16
Jak raspaviali padpisčyki pablika, 7 lipienia samalot pavinien byŭ vylecieć u 10:50. Ale ŭ samalot pasažyry trapili tolki ŭ 15:10.
«Na vulicy śpiakota, zachodzim u samalot, a tam takaja ž śpiakota. U hety dzień zatrymlivali rejsy na Biełaruś i Rasieju, ja viedaju dakładna. Była čarha na ŭźlot z samalotaŭ. I voś u takoj čarzie na ŭźlot my prastajali hadzinu», — raspaviadaje pasažyrka.
Samalot uźlacieŭ tolki ŭ 16:10, ale piekłam było toje, što ŭ samalocie nie pracavali kandycyjaniery.
«Ściuardesa skazała, što dali taki samalot, i jany ničoha zrabić nie mohuć, treba čakać, pakul nabiarom vyšyniu, ale skazać kali ŭźlacim jana taksama nie mahła.
Prahrama ŭ telefonie pakazvała +40. Dzieci raspranalisia da nižniaj bializny, mužčyny zdymali majki. Ź ludziej prosta ciakła vada, jak u łaźni.
Na samaj spravie heta vielmi strašna, stanaviłasia ŭžo zusim niadobra, u mianie dzicia drenna siabie adčuvała. Kali b na borcie byli z prablemami sa zdaroŭjem, sercam, to mahła być biada», — dadała padpisčyca.
Pavodle jaje raspoviedu, na borcie była siamja z čatyrochmiesiačnym dziciom.
Žančyna śćviardžaje, što hety samalot u toj dzień pavinien byŭ znoŭ lacieć.
Biełarus u Ńju-Jorku źniaŭsia ŭ cełym siezonie sieryjała. Kolki ž atrymałasia zarabić?