Straty Rasii zabitymi i paranienymi ŭ vajnie va Ukrainie mohuć dasiahać 700 tysiač čałaviek
Straty rasiejcaŭ na vajnie va Ukrainie da siaredziny červienia skłali ad 462 da 728 tysiač vajskoŭcaŭ. Takija raźliki pryvodzić časopis The Economist.
07.07.2024 / 18:26
Ilustracyjny zdymak. Skryn videa Minabarony Rasii
Vydańnie vykarystoŭvaje apošniuju acenku «Miedyjazony» i «Mieduzy» za 5 lipienia. Jana zasnavana na apublikavanych niekrałohach, kolkaści spadčynnych spraŭ i matematyčnaj madeli. Zhodna z hetymi raźlikami, da 21 červienia zahinuła 106—140 tysiač čałaviek. Ale hetyja źviestki nie ŭklučajuć kolkaść mužčyn, zavierbavanych Rasijaj na akupavanych terytoryjach, i vajskoŭcaŭ, jakija byli ciažka paranienyja i nie mohuć viarnucca na front.
Na kožnaha zabitaha na vajnie rasijskaha sałdata prypadaje kala troch-čatyroch paranienych (raźliki pavodle dakumientaŭ Pientahona). Heta značyć, što rasijskija straty zabitymi i paranienymi składajuć ad 462 da 728 tysiač sałdat.
Heta blizka da acenak francuzskich i brytanskich čynoŭnikaŭ, zhodna ź jakimi da maja kala paŭmiljona rasiejcaŭ atrymali ciažkija ranieńni abo byli zabityja.
Samyja istotnyja straty zahinułymi i paranienymi — siarod ludziej va ŭzroście ad 35 da 39 hadoŭ (27 tysiač zabitych).
Straty Rasii na vajnie va Ukrainie z 2022 hoda pieravyšajuć kolkaść achviar usich jaje vojnaŭ z časoŭ Druhoj suśvietnaj vajny razam uziatych.
U lutym prezident Ukrainy Uładzimir Zialenski kazaŭ, što siarod ukrainskich vajskoŭcaŭ zahinułych kala 30 tysiač. Adnak, adznačaje The Economist, sapraŭdnaja kolkaść strat, imavierna, našmat vyšejšaja.