U Budsłavie vierniki razam z apostalskim nuncyjem pamalilisia za ŭrad Biełarusi
Padčas hałoŭnaj śviatoj Imšy festu ŭ Budsłavie Apostalski nuncyj u Biełarusi arcybiskup Ante Jozič źviarnuŭsia z pasłańniem da biełaruskich viernikaŭ u suviazi z zakančeńniem svajho słužeńnia ŭ krainie. Svaju pramovu jon pračytaŭ pa-biełarusku, piša Katolik.life.
06.07.2024 / 22:27
Ante Jozič
U svajoj pramovie vatykanski dypłamat pieraściaroh biełarusaŭ ad budaŭnictva «doma, u jakoha niama budučyni».
«Damy, jakija my budujem, mohuć być vialikimi i pryhožymi, kali ŭ nas jość dobry prybytak. Ale kali adnosiny ŭ našym šlubie, siamji, pamiž rodnymi i ŭ hramadstvie parušajucca, našy damy stanoviacca biazdušnymi budynkami biez radaści. U takich damoŭ niama budučyni».
Taksama Jozič na raźvitańnie pakinuŭ zapaviet:
«Heta duchoŭny zapaviet, jaki dapamoža vam zastavacca ŭ jednaści ŭ ciažkija časy. Darahija biełarusy! Vaša historyja navučyła vas zaŭsiody być mirnymi i viernymi svajmu paklikańniu. Budźcie i nadalej budaŭnikami miru ŭ sučasnym śviecie, zaŭsiody niesučy radaść i braterskuju jednaść. Abaraniajcie svaju chryścijanskuju vieru roznych tradycyj. Zaŭsiody vychodźcie nasustrač bratam i siostram u patrebie. Bieražycie chryścijanskija i siamiejnyja kaštoŭnaści».
A padčas malitvy viernikaŭ adnoj z prośbaŭ była takaja:
«Molimsia za ŭrad našaj krainy, kab Najśviaciejšaja Panna Maryja kiravała jaho da ŭmiłavańnia spraviadlivaści, svabody i i miru».
U Budsłavie prajšła tradycyjnaja načnaja pracesija sa śviečkami FOTAREPARTAŽ
Budsłaŭ 2024. Što treba viedać, źbirajučysia na fest, jaki adkryvajecca siońnia
Apostalski nuncyj Ante Jozič zaviaršaje słužeńnie ŭ Biełarusi
Stała viadoma prahrama sioletniaha Budsłaŭskaha festu