Prezident Estonii zhadaŭ Biełaruś padčas uračystaściaŭ u Vilni
Kala Prezidenckaha pałaca ŭ Vilni 6 lipienia adbyłasia cyrymonija ŭźniaćcia ściaha z nahody Dnia karanacyi Mindoŭha. Na cyrymonii vystupili prezident Litvy Hitanas Naŭsieda i prezident Estonii Ałar Karys. Prysutničała taksama Śviatłana Cichanoŭskaja, a biełarusy Vilni pryjšli na cyrymoniju z nacyjanalnymi ściahami.
06.07.2024 / 21:22
Śviatłana Cichanoŭskaja z prezidentam Estonii Ałaram Karysam. Fota pres-słužby Cichanoŭskaj
Prezident Estonii Ałar Karys zhadaŭ Biełaruś u svaim vystupleńni, vykazaŭšy spadziavańnie, što i ŭ Biełarusi ŭ chutkim časie zajhraje nacyjanalny himn.
Śviatłana Cichanoŭskaja paśla cyrymonii zapisała nievialikaje videa, u jakim padziakavała biełarusam, jakija pryjšli na jaje ź bieł-čyrvona-biełymi ściahami. Jana adznačyła, što važna ŭsiudy nahadvać pra svaju prysutnaść.
U Vilni na pomniku karalu Mindoŭhu nieviadomyja čyrvonaj farbaj napisali «Vilnia naša»
Nakolki dobra vy pamiatajecie rańniuju historyju Vialikaha Kniastva Litoŭskaha? TEST
Cichanoŭskaja pra muža: Roŭna hod nazad režym apošni raz pakazaŭ majho Siarhieja