У Жлобіне васьмігадовую дзяўчынку збіла электрычка
Дзіця не заўважыла цягніка.
06.07.2024 / 17:36
Фота: УУС Гомельскага аблвыканкама
Увечары 5 ліпеня васьмігадовая дзяўчынка гуляла на школьнай пляцоўцы, там яна знаходзілася без дарослых. А сёмай гадзіне вечара дзіця накіравалася дадому звыклай дарогай праз чыгуначныя шляхі.
Падышоўшы да нерэгуляванага пераходу, дзяўчынка прапусціла таварны цягнік, які набліжаўся злева, а затым выйшла на пераход. З іншага боку ў гэты момант ішла электрычка, якую дзіця не заўважыла.
Машыніст падаў гукавы сігнал, але трагедыі пазбегнуць не ўдалося. Дзяўчынка трапіла пад цягнік і загінула на месцы.
Следчы камітэт пачаў праверку па факце гэтага няшчаснага выпадку.
У Івацэвічах пенсіянера выхапілі з-пад колаў цягніка літаральна ў апошні момант ВІДЭА
Пад Оршай легкавік сутыкнуўся з грузавым цягніком. 22-гадовы кіроўца загінуў
Цягнік у Мінску насмерць збіў жанчыну