«Ja kiruju hetym śvietam» — Bajden
Što jašče kazaŭ prezident ZŠA Džo Bajden u pieršym intervju paśla debataŭ z Trampam.
06.07.2024 / 19:31
Prezident ZŠA Džo Bajden. Fota: AP
U intervju telekanału ABC u Džo Bajdena spytali, ci prachodzić toj rehularnyja kahnityŭnyja testy i ci hatovy prajści niezaležnaje miedycynskaje abśledavańnie, jakoje zatym budzie pakazana hramadskaści.
U adkaz prezident ZŠA zajaviŭ, što jaho štodzionnaja prezidenckaja dziejnaść zamiaščaje lubyja kahnityŭnyja testy, «bo jon kiruje śvietam».
«Usio, što ja rablu kožny dzień, i jość moj kahnityŭny test. Ja nie tolki viadu pieradvybarčuju kampaniju, ale i kiruju śvietam. Nie, heta nie pierabolšańnie, bo my najvažniejšaja nacyja ŭ śviecie», — adkazaŭ Bajden.
Prezident ZŠA dadaŭ, što tolki jon zmoža ŭtrymlivać NATA abjadnanym i paśpiachova strymlivać Kitaj u Cichaakijanskim rehijonie, a jaho supiernik Donald Tramp «usio sapsuje».
Aproč hetaha Bajden vykazaŭ upeŭnienaść, što na jaho nastupny prezidencki termin vypadzie pierałomny momant, jaki vyznačyć budučyniu płaniety amal na stahodździe napierad.
«Ja dumaju, što Złučanyja Štaty i ŭvieś śviet znachodziacca ŭ pierałomnym momancie. Toje, što adbudziecca ŭ bližejšyja niekalki hadoŭ, vyznačyć, jakimi buduć nastupnyja šeść-siem dziesiacihodździaŭ», — padahulniŭ svaju pramovu Bajden.
Nahadajem, što ŭ hetym ža intervju Džo Bajden zajaviŭ, što vyjdzie ź pieradvybarnaj honki tolki «pa ŭkazańni Usiavyšniaha».
Bajden taksama skazaŭ, «što nichto nie vałodaje najlepšymi źviestkami, čym jon, kab być prezidentam abo atrymać pieramohu ŭ prezidenckaj honcy».
A svoj słaby vystup tydzień tamu na debatach z Donaldam Trampam, jaki taksama pretenduje na pasadu prezidenta ZŠA, Bajden rastłumačyŭ prastudaj i stomaj.
Łukašenku stała drenna na samicie ŠAS u Kazachstanie — Dožd́
Maryn Lo Pen abiacaje admianić dazvoł Ukrainie bić francuzskaj zbrojaj pa Rasii