UEFA patłumačyła, čamu na Jeŭra-2024 nie buduć pryznačać pienalci za hulniu rukoj, jak u matčy Ispanija — Hiermanija
Niezadoŭha da pačatku čempijanatu Jeŭropy — 2024 staršynia sudziejskaha kamiteta Sajuza jeŭrapiejskich futbolnych asacyjacyj (UEFA) Rabierta Razieci demanstravaŭ videa, na prykładzie jakich tłumačyŭ, u jakich epizodach nie buduć pryznačacca pienalci.
06.07.2024 / 14:37
Momant učorašniaha epizodu z Kukureljaj. Skrynšot videa
Siarod demanstravanych prykładaŭ byŭ epizod, padobny da situacyi ŭ matčy 1/4 finału pamiž zbornymi Ispanii i Hiermanii (2:1), kali na 106-j chvilinie hulni paŭabaronca bundeścim Džamał Musijała trapiŭ miačom u ruku abaroncu ispancaŭ Marku Kukurelji. Adnak hałoŭny sudździa sustrečy Entani Tejłar nie pryznačyŭ pienalci ŭ hetym epizodzie.
Razieci adznačyŭ, što ŭ takich epizodach sudździ nie buduć pryznačać pienalci, i ŭ jakaści prykładu pryvioŭ situacyju z matču Lihi čempijonaŭ pamiž «Mančester Sici» i «RB Lajpcyh», kali miač trapiŭ u ruku abaroncu niemcaŭ Kasteła Lukieba.
«Heta nie źjaŭlajecca 11-mietrovym. Ruka znachodzicca blizka da cieła ŭ naturalnym stanoviščy. Hulec sprabuje paźbiehnuć kantaktu ź miačom», — skazaŭ Razieci.
Ispanija vybiła Hiermaniju z chatniaha čempijanatu Jeŭropy na 119-j chvilinie VIDEA
Francyja pa pienalci prajšła Partuhaliju
Tureckija zaŭziatary źbirajucca masava pakazać «voŭčaje vitańnie» na matčy Turcyja — Niderłandy
Ivulin źbiraje biełarusaŭ Varšavy na prahlad finała Jeŭra — voś jak možna dałučycca