Z pačatku hoda ŭ Biełarusi patanuli 165 čałaviek
Ličbu patanułych z pačatku hoda biełarusaŭ paviedamiła aficyjnaja pradstaŭnica ASVODa Kaciaryna Michalova, piša BiełTA.
05.07.2024 / 22:44
«Z pačatku hoda ŭ Biełarusi patanuli 165 čałaviek. Uzrost zahinułych zusim rozny. Kali havorka idzie pra pažyłych ludziach, to pryčynaj hibieli na vadzie mohuć stać chraničnyja zachvorvańni. Z pryčyny stanu zdaroŭja jany mohuć zahinuć pa nieaściarožnaści.
Kali havorka idzie pra ludziej siaredniaha ŭzrostu, to pryčynaj trahiedyi čaściakom stanovicca kupańnie ŭ niećviarozym vyhladzie», — skazała Kaciaryna Michalova.
«Asnoŭnyja pryčyny — heta padzieńnie ŭ vadu albo kupańnie ŭ stanie ałkaholnaha abo narkatyčnaha apjanieńnia. Heta mohuć być i roznyja situacyi pry kupańni. Pačynajučy ad sproby pierapłyści vadajom na sprečku i zakančvajučy zapłyvam za bujki», — dadała pradstaŭnica ASVOD.
U svaju čarhu, vadałazny śpiecyjalist Minskaj haradskoj arhanizacyi ASVOD Juryj Šturchiecki adznačyŭ, što ŭ Minsku z pačatku hoda patanuli vosiem čałaviek, i pryvioŭ prykład adnaho ź niadaŭnich trahičnych vypadkaŭ.
«Niećviarozy mužčyna vyrašyŭ vykupacca ŭ zabaronienym miescy. Na bierazie ŭ hety čas adpačyvała kampanija. Prykładna praź dziesiać chvilin adpačyvalniki stali turbavacca, što mužčyna doŭha adsutničaje. U vyniku akazałasia, što jon patanuŭ», — raskazaŭ Juryj Šturchiecki.
Što tyčycca ŭratavanych, to:
«Z pačatku hoda ŭ Biełarusi na vadzie vyratavali 110 darosłych i 32 dziciaci. Siarod vyratavanych niepaŭnaletnich byli i padletki, i maleńkija dzieci, heta značyć uzrost zusim rozny», — skazała Kaciaryna Michalova.
Nyrnuŭ i nie vynyrnuŭ. 16-hadovy padletak patanuŭ u Stolinskim rajonie
Pad Słuckam učora ŭ adnym vadajomie patanuli dva braty
U Mazyry patanuŭ 14-hadovy padletak
Stali viadomyja padrabiaznaści trahiedyi ŭ Homielskaj vobłaści, dzie patanuła adnahadovaje dzicia