«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Uładzimir Pucin na pres-kanfierencyi ŭ ramkach samitu ŠAS adkazaŭ na pytańnie pra adziny parłamient i adzinuju valutu ź Biełaruśsiu. Na dumku Pucina, kazać pra heta pakul zaŭčasna, paviedamlaje TASS.
04.07.2024 / 20:40
Fota: AP
«Ci treba ciapier pierachodzić, jak było pieršapačatkova zajaŭlena, da stvareńnia adzinaha parłamienta? Heta pytańnie času. Ja zhodny z Alaksandram Ryhoravičam, treba jak śled umacavać našyja adnosiny ŭ śfiery ekanomiki. I toje ž samaje tyčycca finansaŭ dy adzinaj valuty.
U cełym nichto nie kaža, što heta niemahčyma ci nielha, ci nie treba rabić. Treba ž, kab my dla hetaha saśpieli ekanamična», — zajaviŭ Pucin.
Pavodle jaho słoŭ, Biełaruś i Rasija iduć pa šlachu, zakładzienym u damovie ab stvareńni Sajuznaj dziaržavy. Adnak pakul vyrašana zasiarodzicca na ekanamičnych, a nie palityčnych pytańniach.
Pucin sprabuje pieradać chusitam balistyčnyja i kryłatyja rakiety — amierykanskaja vyviedka