Žurnalistka BT aburyłasia navinoj pra siabie: Heta była maja pieršaja samastojnaja pajezdka ŭ Jeŭropu
22-hadovaja Palina Kałačyk viadzie tyktok BT. «Naša Niva» niadaŭna pisała pra jaje. Dziaŭčynie nie spadabałasia ŭvaha da jaje zamiežnych pajezdak.
04.07.2024 / 17:47
Palina Kałačyk u Barsiełonie. Fota ź jaje instahrama
«Niadaŭna źjeździła ŭ Ispaniju i Italiju — i z hetaha apazicyjnyja sajty zrabili «navinu». Heta była maja pieršaja, pa sutnaści, darosłaja samastojnaja pajezdka ŭ Jeŭropu, da hetaha była tam u 2018 hodzie pa adukacyjnaj prahramie. Ale infarmacyju vyrvali z kantekstu, dadumali, prydumali… Nu što ž, heta praca našych niadobrazyčliŭcaŭ, chaj pišuć. Choć adrazu, viadoma, było niepryjemna», — aburyłasia Palina ŭ intervju «SB. Biełaruś siehodnia».
Dziaŭčyna adznačyła, što pakul nie nastolki miedyjnaja asoba, kab jaje paznavali na vulicach. Choć chłopcy z vajenna‑patryjatyčnych kłubaŭ, jakija zachodzili ŭ redakcyju, jaje paznali.
U tyktoku BT Palina robić čaściej zabaŭlalnyja roliki. Ale raskazvała taksama pra narady ŭ Łukašenki i Usiebiełaruski narodny schod. Łukašenku jana ŭ svaich rolikach nazyvaje «baćkam».
«Baćka maje racyju!» Što za dziaŭčyna viadzie tyktok BT?