Urad Japonii kančatkova admoviŭsia ad dyskiet. Faksy pakul zastajucca
Urad Japonii kančatkova admoviŭsia ad vykarystańnia dyskiet u spravavodstvie. Heta zdaryłasia praz dva dziesiacihodździ paśla zornaha času takich nośbitaŭ. Pastanova ŭrada dziejničaje z 28 červienia 2024 hoda, piša Reuters.
04.07.2024 / 16:49
Fota: Wikimedia Commons
U siaredzinie červienia ŭłady Japonii admianili ŭsie 1034 pastanovy, jakija rehulavali vykarystańnie dyskiet dla zachoŭvańnia i pieradačy infarmacyi. Niekatoryja z hetych pravavych aktaŭ abaviazvali žycharoŭ Japonii padavać dakumienty ŭ dziaržorhany na dyskietach.
«28 červienia my vyjhrali vajnu z dyskietami!» — abjaviŭ ministr ličbavaj transfarmacyi krainy Tara Kona.
Jon taksama vystupaje za admovu ad vykarystańnia faksaŭ i inšych anałahavych technałohij va ŭradzie. Ideja admovicca ad faksaŭ, adnak, vyklikała surjoznaje supraćdziejańnie z boku čynoŭnikaŭ.
Japonija, jakuju ličać adnoj z najbolš technałahična prasunutych krain, surjozna adstała ad sučasnych technałohij u absłuhoŭvańni dziaržaparatu. U pieryjad pandemii karanavirusa miascovaja mabilnaja prahrama pa adsočvańni kantaktaŭ pravaliłasia. A sproba stvareńnia adzinaj ličbavaj płatformy zaśviedčyła, što čynoŭniki nie hatovyja admaŭlacca ad papiarovaha spravavodstva.
Jak Kitaj stanovicca navukovaj zvyšdziaržavaj
U Saudaŭskaj Aravii mieracca pabudavać dvuchkiłamietrovy chmaračos
Śviet čakaje druhi «kitajski šok» z napłyvam tannych tavaraŭ