U Minsku koła pralacieła skryžavańnie na čyrvonaje. Ludzi raźbiahalisia VIDEA
Zdareńnie adbyłosia na vulicy Cimirazieva.
04.07.2024 / 15:32
Onliner.by
Aŭtamabili stajali pierad skryžavańniem, hareła čyrvonaje. Raptam skryžavańnie pa dyjahanali prajechała koła, adno, samo pa sabie. Koła było vialikaje, a chutkaść niemaleńkaja.
Dobra, što ni ŭ kaho nie patrapiła, inakš nastupstvy byli b sumnyja, piša Onliner.by
Videa apublikavaŭ karystalnik ź nikam eu8.
— Koła nie dačakałasia śviatłafora i pralacieła praz skryžavańnie, — žartam adznačyŭ jon.
Onliner.by
Čyjo koła — pytańnie. U razmovie z karespandentam Onliner vidavočca vykazaŭ zdahadku, što jano mahło naležać samazvału, jaki stajaŭ na supraćlehłym baku darohi, la ŭjezdu na stajanku.
Onliner.by
— Nie fakt, viadoma, moža być, i na stajancy niešta zdaryłasia, — dadaŭ aŭtar videa. — Ludzi raźbiahalisia ad jaho, što było dalej, my ŭžo nie bačyli, aŭto ŭ pieršym šerahu pierakryli ahlad.