Maryn Lo Pen nazvała pravakacyjaj post MZS Rasii ź jaje fotazdymkam i paabiacała padtrymku Ukrainie
Francuzski pravy palityk Maryn Lo Pen na telekanale TF1 nazvała pravakacyjaj i sprobaj umiašańnia va ŭnutranyja spravy Francyi publikacyju, jakaja zjaviłasia napiaredadni ŭ tvitary rasijskaha MZS, piša The Insider.
04.07.2024 / 15:27
«Narod Francyi imkniecca da suvierennaj źniešniaj palityki, jakaja słužyć jaho nacyjanalnym intaresam, i da razryvu z dyktatam Vašynhtona i Brusiela. Francuzskija čynoŭniki nie zmohuć ihnaravać hetyja hłybokija źmieny ŭ dačynieńni da pieravažnaj bolšaści hramadzian», — takoje paviedamleńnie apublikavaŭ MZS Rasii, supravadziŭšy jaho fatahrafijaj Lo Pen, napiaredadni druhoha tura parłamienckich vybaraŭ, jaki projdzie ŭ Francyi 7 lipienia.
«Kali vy pišacie taki pakazny i pravakacyjny tvit, heta možna razhladać jak formu ŭmiašańnia», — zajaviła Maryn Lo Pien.
Palityk taksama zajaviła, što ŭ vypadku pieramohi na vybarach jaje partyja «Nacyjanalnaje abjadnańnie» (RN) praciahnie padtrymku Ukrainy, choć i vyklučaje adpraŭku francuzskich sałdat na vajnu.
«Nacyjanalnaje abjadnańnie» pieramahło ŭ pieršym tury vybaraŭ 30 červienia, atrymaŭšy bolš za 30% hałasoŭ. Kaalicyja prezidenta Fransua Makrona «Razam» zaniała tolki treciaje miesca.
«Nacyjanalnaje abjadnańnie» na praciahu mnohich hadoŭ padtrymlivała suviazi z Maskvoj, adnak u apošni čas sprabuje dystancyjavacca ad Rasii.
U Francyi bolš za 180 kandydataŭ zdymucca z vybaraŭ, kab spynić ultrapravych
«Makron kinuŭ Francyju pad aŭtobus». Što piša presa pra vybary ŭ Francyi i ich pieršyja vyniki
U Paryžy paśla abnarodavańnia vynikaŭ ekzitpołaŭ tysiačy ludziej vyjšli na vulicy