Spynili tranślacyju adnaho z zabaŭlalnych kanałaŭ Discovery
«Biełtelekam» abviaściŭ 1 lipienia, što spyniaje viaščańnie na terytoryi respubliki adnaho z zabaŭlalnych telekanałaŭ. Zaraz dostup da jaho zakryty, piša BAŽ.
04.07.2024 / 15:01
Havorka idzie pra kanał TLC, jaki ŭvachodziŭ u dadatkovy pakiet Discovery ZALA IPTV. U «Biełtelekamie» patłumačyli, što dazvoł na tranślacyju hetaha telekanała ŭ Biełarusi skončyŭsia.
TLC — heta zabaŭlalny telekanał, adrasavany ŭ pieršuju čarhu žanočaj i moładzievaj aŭdytoryi. Tam pakazvali prahramy pra realnaje žyćcio, siamju i adnosiny, modu i pryhažość, vandroŭki i inšyja padobnyja temy.
U sakaviku 2022 hoda TLC spyniŭ viaščańnie ŭ Rasii na fonie paŭnamaštabnaha ŭvarvańnia va Ukrainu.
Darečy, u červieni na terytoryi Biełarusi spynili viaščańnie telekanały Candy, «Fieniks plus Kino», «Telekanał 2 ch 2», «Usad́ba-TV» i RTG TV. Zamiest ich biełaruskim hledačam prapanavali kanał dla darosłych Erox.