Jak paskoryć atrymańnie šenhienskaj vizy ŭ Hiermaniju i Italiju
Jość niekalki sposabaŭ, ale jany padyduć nie dla ŭsich.
04.07.2024 / 12:02
Supracoŭnik adnaho z ahienctvaŭ, jakoje dapamahaje padavać dakumienty na vizu, u svaim kanale ŭ tyktoku raskazaŭ pra niekalki łajfchakaŭ.
Ciapier, naprykład, kab padać dakumienty ŭ konsulstva Hiermanii, treba čakać nie mienš za 11 miesiacaŭ paśla zapisu praz sajt.
Kab paskoryć praces, śpiecyjalist raić atrymać zaprašeńnie ad kaho-niebudź z rodnych z Hiermanii. Heta dapamoža atrymać vizu za 3 miesiacy. Chacia termin moža raściahnucca i da 5-6 miesiacaŭ.
Zapisacca ŭ čarhu na padaču dakumientaŭ u konsulstva Italii ciapier naohuł niemahčyma. Adnak vyjście jość, kali vy vałodajecie biznesam, źjaŭlajeciesia indyvidualnym pradprymalnikam albo majecie pryvatnaje ŭnitarnaje pradpryjemstva. Taksama hety varyjant padydzie dla taho, chto pracuje na IP ci PUP, jakija mohuć padpisać damovu ź italjancami.
Jak tłumačyć śpiecyjalist, heta moža być prosta naminalnaja damova, jakaja ni da čaho nie abaviazvaje. Ale jana dapamoža padać dakumienty na atrymańnie biznes-vizy, jakaja ŭ asnoŭnym stavicca na hod i bolš. Takuju vizu možna atrymać prykładna za dva miesiacy.
Mužčyna rekamienduje mienavita biznes-vizu ŭ Italiju, bo ich vydajuć dastatkova stabilna.
Jak dapamahatary zarablajuć na polskich vizach z novaj sełfi-vieryfikacyjaj
Nacyjanalnaja viza Polščy pry paŭtornaj padačy daražeje da 135 jeŭra. Što majecca na ŭvazie?
Šenhien dla biełarusaŭ: mahčymyja varyjanty, košt pytańnia i historyi z žyćcia