Ukraina adchiliła płan Vienhryi pa spynieńni ahniu
Kijeŭ pryniaŭ da viedama prapanovu premjera Vienhryi Viktara Orbana ab spynieńni ahniu dziela vychadu na mirnyja pieramovy z Rasijaj, adnak nie ličyć hety płan žyćciazdolnym, zajaviŭ namieśnik kiraŭnika Ofisa prezidenta Ukrainy Ihar Žoŭkva ŭ efiry nacyjanalnaha telemarafona.
02.07.2024 / 23:24
Viktar Orban z Uładzimiram Zialenskim u Kijevie. Fota: Ukrainian Presidential Press Office via AP
«Vienhryja — nie pieršaja kraina, jakaja havoryć pra padobny varyjant. Prezident Ukrainy vysłuchaŭ svajho surazmoŭcu, ale ŭ adkaz vykłaŭ svaju pazicyju, jakaja źjaŭlajecca vyraznaj, zrazumiełaj i viadomaj. Ukraina sapraŭdy choča miru, i ŭ nas jość dla hetaha instrumient — my praviali pieršy samit miru i rychtujemsia da druhoha», — skazaŭ jon.
Žoŭkva adznačyŭ, što kali ŭ Kramli pierastanuć havaryć na movie ultymatumaŭ i pakažuć hatoŭnaść da kanstruktyŭnaha dyjałohu, to Rasiju zaprosiać na nastupny samit śvietu. Na im Ukraina pradstavić płan urehulavańnia, uzhodnieny z krainami-partniorami.
Orban zapościŭ FOTA ź Zialenskim
Orban prybyŭ u Kijeŭ i paabiacaŭ «pieršyja kroki da miru» ŭžo padčas vizitu
Viktar Orban, mahčyma, siońnia pryjedzie ŭ Kijeŭ
Vienhryja stała staršynioj Jeŭrasajuza