Łukašenka znoŭ vystupiŭ z pahrozami na adras Ukrainy i Zachadu. Adnak hetyja pahrozy nie ŭtrymlivali ničoha realnaha novaha
Łukašenka taksama čarhovy raz zrabiŭ uzajemavyklučalnyja zajavy ab situacyi na froncie, a taksama namierach Biełarusi, Ukrainy i Zachadu.
02.07.2024 / 21:23
Łukašenka zajaviŭ, što rasijskaja hrupoŭka VPS prylacieła ŭ Biełaruś vyklučna dla ŭdziełu ŭ paradzie 3 lipienia. Jon taksama zajaviŭ, što biełaruskija vojski nazirajuć uzmacnieńnie miažy z ukrainskaha boku. I raskazaŭ pra razhortvańnie biełaruska-rasijskaj hrupoŭki z «Iskanderami» i «Pałanezami» ŭ adkaz na hetaje mierkavanaje ŭzmacnieńnie.
Łukašenka taksama čarhovy raz zrabiŭ uzajemavyklučalnyja zajavy ab situacyi na froncie. Z adnaho boku, jon paŭtaryŭ ustanoŭki rasijskaj prapahandy pra nibyta krytyčna ciažkuju situacyju Ukrainy. Z druhoha boku, jon zajaviŭ, što «Zachad i ZŠA z Ukrainy nie vyjduć» i čarhovy raz abvinavaciŭ NATA ŭ padrychtoŭcy napadu na Biełaruś «my viedajem ź jakoha boku».
U toj ža čas Łukašenka zapeŭniŭ, što Biełaruś nie zacikaŭlenaja va ŭciahvańni ŭ niepasrednyja vajennyja dziejańni i skazaŭ, što i Ukrainu ličyć u eskałacyi nie zacikaŭlenaj.
Paralelna z hetym jon zajaviŭ, što nie źbirajecca pierakryvać darohu mihrantam. I paabiacaŭ vyzvaleńnie ankałahična chvorych palitźniavolenych.
Kaho z palitviaźniaŭ mohuć vypuścić paśla anonsu Łukašenki?
Łukašenka anansavaŭ vyzvaleńnie ciažkachvorych palitviaźniaŭ
Łukašenka asipłym hołasam zajaviŭ, što treba pryvieści da ŭłady novych maładych ludziej