Biełaruskija siłaviki pryjechali zatrymlivać futbolnaha fanata na mašynie z rasijskimi numarami FOTAFAKT
HUBAZiK vystaviŭ čarhovaje videa, na jakim jon chvalicca brutalnym zatrymańniem, jak śćviardžajecca, futbolnaha fanata za «niapravilnuju» tatuiroŭku. Sama pa sabie situacyja dla sučasnaj Biełarusi, na žal, dastatkova ŭžo zvykłaja, ale ŭ hetaj jość niezvyčajny niuans.
02.07.2024 / 16:58
Na vystaŭlenym hubazikaŭcami videa dobra vidać, što na sinim busiku ź siłavikami, jaki padjazdžaje da doma mužčyny, numary nie biełaruskija, a rasijskija. Sieryja numara 197, jakuju možna zaŭvažyć na numary mašyny — maskoŭskaja.
Mienavita z hetaha aŭtamabila vylatajuć siłaviki z nadpisami «OMON» na śpinie, jakija kidajucca na chłopca.