Пошукі 4-гадовай Маі Любімцавай у Камянецкім раёне працягваюцца
З моманту яе знікнення прайшлі роўна суткі.
02.07.2024 / 15:54
У Пелішчы працягваюцца пошукі 4-гадовай дзяўчынкі. Пошукі праводзіліся ўсю ноч і ідуць днём.
Задзейнічана вялікая колькасць сіл МУС, МНС, валанцёраў з розных куткоў краіны, а таксама мясцовае насельніцтва, піша «Віртуальны Брэст».
Учора каля 16:30 гадзін дзяўчынка пайшла з двара дома і да цяперашняга часу яе месцазнаходжанне невядомае.
Прыкметы: на выгляд 4 гады, валасы русыя рэдкія сярэдняй даўжыні, не размаўляе.
Апранутая ў чорную майку дарослага чалавека з надпісам «Reebok».
Пры выяўленні дзяўчынкі просьба паведаміць у міліцыю па нумарах тэлефонаў: 8 (044) 791-20-03, 8 (033) 613-29-62 або 102.