Što najlepšaje dla raźvićcia płavalnych zdolnaściej dziaciej?
Jak kruh, tak i narukaŭniki trymajuć dzicia ŭ viertykalnym stanoviščy. Hałava pry hetym pastajanna zadranaja. U vyniku vypracoŭvajucca niapravilnyja refleksy. Jość inšyja, bolš prydatnyja pryłady.
02.07.2024 / 19:21
Skryn videa: triol777 / YouTube
Vy marycie ab tym, kab vaša dzicia navučyłasia płavać i pry hetym imkniaciesia zrabić hety praces jak maha bolš biaśpiečnym? Vam zdajecca, što ŭ hetym najlepšym čynam dapamohuć takija srodki, jak kruhi ci narukaŭniki?
U internecie možna znajści šmat rekamiendacyj adnosna taho, jaki kruh vybrać. Kruhi-chadunki ŭ formie siadzieńnia z adtulinami dla noh niekatoryja baćki vykarystoŭvajuć dla svaich dziaciej pačynajučy z 6 miesiacaŭ.
Fota: Juan Salamanca / pexels.com
Treba pahadzicca, što kruhi dapamohuć dziciaci nie bajacca vady, bolš upeŭniena trymacca ŭ joj i praduchilać pieravaročvańnie.
Kali dzicia ŭžo moža trymacca na vadzie, to dadatkovuju abaronu stvorać narukaŭniki. Vytvorcy rekamiendujuć ich vykarystoŭvać pačynajučy z 2,5—3 hadoŭ.
Dobraja jakaść narukaŭnikaŭ i kruhoŭ u tym, što jany dapamahajuć dziciaci trymacca na płavu. Adnak śpiecyjalisty ŭ adzin hołas zajaŭlajuć, što z dapamohaj hetych srodkaŭ dzicia navučycca tolki boŭtacca ŭ vadzie.
Jak kruh, tak i narukaŭniki trymajuć dzicia ŭ viertykalnym stanoviščy. Hałava pry hetym pastajanna zadranaja. U vyniku ŭ dziciaci vypracoŭvajecca niapravilnaje ŭsprymańnie taho, što pry płavańni hałavu treba trymać vysoka.
Fota: pexels.com
Akramia hetaha, pry takim sposabie navučańnia płavańniu ŭ dziciaci raźvivajecca navyk vałodańnia nahami, jaki imituje jazdu na viełasipiedzie, što zusim nie adpaviadaje sapraŭdnaj technicy płavańnia.
Da taho ž hetyja srodki stvarajuć u dziciaci iłžyvaje adčuvańnie padtrymki na vadzie. Navat kali dzicia navučycca trymacca i pieramiaščacca ŭ vadzie z dapamohaj kruha ci narukaŭnikaŭ, jano pryvyknie da takich «papłaŭkoŭ» na svaim ciele.
Kali ž dzicia apyniecca ŭ vadzie bieź ich, to adčuvać siabie budzie maksimalna niebiaśpiečna. Maleča reflektorna budzie imknucca abapiracca na svaje plečy, a hałavu trymać nad vadoju. U takim vypadku dzicia prosta pravalicca pad vadu, napužajecca i zatym doŭhi čas nie budzie pahadžacca vučycca płavać pa-sapraŭnamu.
Zamiest kruhoŭ i narukaŭnikaŭ rekamiendujecca vykarystoŭvać padtrymlivajučaje abstalavańnie. Da ich adnosiacca makarony i doščački. Mienavita ź ich dapamohaj možna zasvoić pravilnuju techniku.
Pryčym lepš za ŭsio, kali navučańniu płavańniu vašaha dziciaci zojmiecca śpiecyjalist.
Piać prostych pryjomaŭ, jakija dapamohuć płavać pryhažej
Top malaŭničych miescaŭ dla letnich vandrovak pa Biełarusi, dalej ad haradskoj zaduchi