Дачцэ Качанавай прапаноўваюць схадзіць на парад — за 120 рублёў прэміі
У рэспубліканскім навукова-практычным цэнтры «Маці і дзіця» шукаюць тых, хто пагодзіцца схадзіць на парад і канцэрт 3 ліпеня. «Наша Ніва» даведалася, што прапаноўваюць супрацоўнікам.
02.07.2024 / 10:02
Парад у Мінску
Не сакрэт, што наведванне ідэалагічных мерапрыемстваў лукашэнкаўцы даволі часта забяспечваюць з дапамогай працоўных калектываў: людзей заахвочваюць прэміямі ці адгуламі.
Зараз пошукам ахвотных займаюцца, у тым ліку, і ў РНПЦ «Маці і дзіця». Установе аховы здароўя трэба адправіць на парад і вечаровы гала-канцэрт каля абеліска «Мінск — горад-герой» ажно 30 чалавек.
У чаце для супрацоўнікаў з'явілася паведамленне:
«Паважаныя калегі, на 3 ліпеня трэба: 15 чалавек, збор да 8 раніцы да заканчэння парада; 15 чалавек, збор 19:50 да заканчэння мерапрыемства. Усе людзі будуць прэміраваны (3 базавыя)».
Атрымліваецца, кошт удзелу ў мерапрыемстве — 120 рублёў. Цікава, ці адгукнецца на такую прапанова старэйшая дачка Наталлі Качанавай Вольга, якая працуе ў РНПЦ «Маці і дзіця» неанатолагам.
Стала вядома, якімі аўтамабілямі валодаюць Качанава і сем'і яе дзвюх дачок
Якія беларускія клінікі найбольш запатрабаваныя ў замежнікаў
Якія даручэнні даў Лукашэнка новаму міністру аховы здароўя — гэта смешна