Paśla rekanstrukcyi adkryli novuju darohu ź Minska ŭ Žodzina

Paśla rekanstrukcyi adkryli ŭčastak darohi R-53 ad Smalavičaŭ da Žodzina. Ciapier daroha tudy ź Minska stała čatyrochpałosnaj, paviedamlaje Mintrans.

01.07.2024 / 22:43

Fota: mintransbelarus

Premjer-ministr Raman Hałoŭčanka raskazaŭ, što dalej hetuju darohu buduć praciahvać ad Žodzina da Barysava. Raboty zavieršać u 2026 hodzie. Padčas rekanstrukcyi vykarystoŭvajuć daŭhaviečnaje cemientabietonnaje pakryćcio.

U 2024 hodzie taksama rekanstrujujuć učastak darohi M-3 ad Łahojska da Pleščanic, pałovu ŭčastka R-46 ad Lepiela da Połacka z boku Połacka, abjaznuju darohu kala Lidy, a taksama skončać kapitalny ramont R-46 ad Połacka da miažy z Rasijaj.

Pavodle słoŭ Hałoŭčanki, u 2023 hodzie ŭ krainie adramantavali bolš za 3 tys. kiłamietraŭ daroh respublikanskaha i miascovaha značeńnia. Na 2024-y zapłanavali ramont bolš za 5 tys. kiłamietraŭ daroh.

Žychar Kamianca pierakryŭ vulicu kalučym drotam, kab paskoryć ramont darohi

«Ja prosta ŭ ach*i». Pamiatajecie videa pra stan daroh u Homielskaj vobłaści? Prakuratura zaviała kryminałku na darožnikaŭ

Jakija darohi płanujuć adramantavać u 2024 hodzie

Na paŭtara hoda pierakryli na ramont adnu z respublikanskich tras

Nashaniva.com