«Nikomu nie kaža, čyj syn». Jak u Piekinie vučycca Kola Łukašenka
Alejnik pachvaliŭsia Łaŭrovu, što małodšy syn Łukašenki ŭžo krychu zasvoiŭ kitajskuju movu.
30.06.2024 / 21:48
Były ministr zamiežnych spraŭ Biełarusi Siarhiej Alejnik, kiraŭnik rasijskaha MZS Siarhiej Łaŭroŭ i Mikałaj Łukašenka. Skryn videa BT
Mikałaj Łukašenka, jaki vyvučaje bijatechnałohii ŭ BDU, pajechaŭ u Piekinski ŭniviersitet pa prahramie abmienu. Chaa Pin, sakratar partyjnaha kamiteta Piekinskaha ŭniviersiteta, raskazaŭ na BT pra Kolu:
«Jon, pa-pieršaje, vielmi ścipły. Jon nikomu nie kaža, što jon syn prezidenta. Kali b pra heta daviedalisia, ci mahčyma było b naohuł vučycca? Ja za im naziraŭ — jon sapraŭdy vielmi dobra vučycca. Jon najlepšy student na kursie. Vielmi ŭdumlivy chłopiec i ścipły».
U efiry pakazali kadry, jak były ministr zamiežnych spraŭ Siarhiej Alejnik kaža kiraŭniku rasijskaha MZS Siarhieju Łaŭrovu, što Mikałaj užo krychu zasvoiŭ kitajskuju movu.
«Heta doŭhi praces», — udakładniaje małodšy syn Łukašenki, jaki staić ź imi.
Chaa Pin taksama dadaŭ, što jany spadziajucca razam z BDU stvaryć sumiesny daśledčy centr pa bijatechnałohijach.
Kola Łukašenka padčas vizitu ŭ Manholiju chadziŭ u majcy z emblemaj Słužby biaśpieki prezidenta
Kola Łukašenka debiutavaŭ z navukovaj pracaj — šukaje srodki suprać karanavirusa
Kolki pamyłak u navukovaj publikacyi Koli Łukašenki?