Načalnik Hienštaba nazvaŭ umovu, pry jakoj Biełaruś moža prymianić taktyčnuju jadziernuju zbroju
Načalnik Hienieralnaha štaba, pieršy namieśnik ministra abarony Biełarusi Pavieł Muraviejka nazyvaje taktyčnuju jadziernuju zbroju, jakuju Pucin pieradaŭ Biełarusi, strymlivajučym faktaram.
30.06.2024 / 21:11
Načalnik Hienieralnaha štaba, pieršy namieśnik ministra abarony Biełarusi Pavieł Muraviejka. Skryn videa ANT
«My navučylisia abychodzicca z hetaj zbrojaj. My ŭmiejem upeŭniena jaje prymianiać.
My zdolnyja heta rabić i, možacie nie sumniavacca, my heta zrobim, kali suvierenitetu i niezaležnaści našaj krainy budzie stvorana pahroza»,
— skazaŭ Muraviejka ŭ intervju ANT.
Skryn videa ANT
Načalnik Hienštaba zajaviŭ, što la biełaruskaj miažy staić 10 bataljonnych taktyčnych hrup NATA ahulnaj kolkaściu bolš za 20 tysiač čałaviek.
Jon taksama dadaŭ, što pieramiaščać svaje padraździaleńni da miažy z Ukrainaj jany nibyta vymušany, kab rychtavacca da prykryćcia i svoječasova adreahavać.
Nahadajem, na minułym tydni biełaruskija Uzbrojenyja siły pačali raptoŭnuju pravierku bojehatoŭnaści na miažy z Ukrainaj.
U prymiežnych z Ukrainaj rajonach u biełarusaŭ praviarajuć dakumienty i mašyny
Analityk nazvaŭ try pryčyny taho, čamu Ukraina zachoŭvaje dypłamatyčnyja adnosiny ź Biełaruśsiu
«Situacyja składanaja» — Pavieł Muraviejka prakamientavaŭ stanovišča na paŭdniovych rubiažach
Minabarony: Ukraina raźmiaściła padraździaleńni śpiecnazu na miažy ź Biełaruśsiu