Zialenski adkazaŭ, jak moža vieści mirnyja pieramovy z Pucinym
«Madel takaja była ŭžytaja ŭpieršyniu na prykładzie zbožžavaha kalidora».
30.06.2024 / 19:08
Uładzimir Zialenski. Fota: skrynšot ź jutub-kanała «Zie!Priezidient»
U intervju vydańniu The Philadelphia Inquirer prezident Ukrainy Uładzimir Zialenski adkazaŭ, što bačyć pieramovy z Pucinym tolki praz pasiarednikaŭ.
«Madel takaja była ŭžytaja ŭpieršyniu na prykładzie zbožžavaha kalidora, kali Ukraina damaŭlałasia nie z Rasijaj, a z AAN i Turcyjaj. Jany, u svaju čarhu, uziali na siabie adkaznaść damaŭlacca z nami, a zatym adpaviednaje pahadnieńnie padpisvać z RF. I tak jano spracavała: dva lustranyja pahadnieńni, pamiž jakimi jość AAN i Turcyja».
Adpaviednaja madel, ličyć Zialenski, moža być prymieniena pry pieramovach pa terytaryjalnaj cełasnaści, enierhietycy, sudnachodstvie.
Zialenski padkreśliŭ u čarhovy raz, što Ukraina pavinna być u Jeŭrasajuzie i NATA.
«I kali ŭ nas hetaha niama, ja liču, što heta vialikija ryzyki dla nas. Vielmi vialikija, što hety vorah — jon vierniecca. Nam patrebnaja kalektyŭnaja abarona Ukrainy».
Zialenski: «Upeŭnieny, što buduć pryniatyja rašeńni adnosna Biełarusi»
Kolki razoŭ i dzie byvali na froncie Uładzimir Zialenski i Uładzimir Pucin