Расія зноў ударыла па Харкаве, ёсць ахвяры
Удар прыйшоўся на раён недалёка ад цэнтра горада.
30.06.2024 / 17:36
Наступствы папярэдняга ўдару па Харкаве 22 чэрвеня 2024 года. Фота: сацсеткі
Расія ў нядзелю 30 чэрвеня атакуе Харкаў кіраванымі авіяцыйнымі бомбамі.
Па папярэдніх даных, адзін чалавек загінуў, восем параненыя (сярод іх — васьмімесячнае дзіця), паведамляе кіраўнік Харкаўскай абласной дзяржаўнай адміністрацыі Алег Сінягубаў.
Загарэлася таксама аддзяленне пошты і сем аўто.