Hiermanija ŭ 1/4 finału. Ale dla niemcaŭ usio tolki pačynajecca
Zbornaja Hiermanii pierajhrała Daniju ź likam 2:0.
30.06.2024 / 00:19
Iłkaj Hiundahan (Hiermanija) pieraskokvaje Rasmusa Chiojłuna (Danija). Fota: Darko Vojinovic / AP
Matč spyniaŭsia ŭ kancy pieršaha tajma z-za navalnicy i mocnaj zalevy.
U pačatku druhoha tajma lik adkryŭ datčanin Andersan, ale hoł byŭ admienieny z-za afsajdu. I litaralna praz chvilinu Andersan pieratvaryŭsia ŭ antyhieroja. U svajoj štrafnoj miač trapiŭ jamu ŭ ruku — pienalci.
Kaj Chavierc nie pramachnuŭsia.
Potym zabiŭ Džamał Musijała.
Heta jaho treci hoł na turniry, jon zraŭniaŭsia pa kolkaści hałoŭ z Žoržam Mikaŭtadze.
Jak bačym, Danija ciažkaściaŭ u Hiermanii nie vyklikała.
Ale ŭ 1/4 finału niemcy 5 lipienia (19:00) sustrenucca ź pieramožcam pary Ispanija — Hruzija.
Nahadajem, što siońnia ŭ pieršym matčy 1/4 finału Šviejcaryja vybiła čempijonaŭ Jeŭra-2021 Italiju — 2:0.
U niadzielu taksama dva matčy:
Anhlija — Słavakija (19:00)
Ispanija — Hruzija (22:00)
Italija, pieramožca minułaha Jeŭra, ciapier vylecieła ŭ 1/8 finału — 0:2 ad Šviejcaryi VIDEA
Siońnia na Jeŭra-2024 startujuć hulni na vylet
Hałkipier zbornaj Hruzii — najlepšy bramnik hrupavoha etapu Jeŭra-2024 pa kolkaści sejvaŭ