U Dziaržynsku pastavili skulpturu «Mieč Nieŭskaha, ščyt Dziaržynskaha». Jaje pierapadaryŭ Łukašenka
Siońnia ŭ Dziaržynsku pastavili skulpturnuju kampazicyju «Mieč Nieŭskaha, ščyt Dziaržynskaha», jakaja prezientujecca jak «padarunak horadu i haradžanam ad Alaksandra Łukašenki». Jaje vyrabiŭ fanipalski majstar Uładzimir Kanonik, paviedamlaje miascovaja rajonka.
29.06.2024 / 17:07
Łukašenku hetuju pracu padaryli padčas adkryćcia im fizkulturna-azdaraŭlenčaha kompleksu «Alimp» u Dziaržynsku, a jon zahadaŭ pakinuć padarunak u horadzie, skazaŭšy, što, maŭlaŭ, «ciapier u Dziaržynsku buduć viedać, što ja ich abaraniaju».
Čynoŭniki, jak śćviardžajecca, pry vybary miesca dla skulptury pierabrali ź dziasiatak varyjantaŭ i spynilisia na nievialikim skviery pa vuł. 1-j Leninskaj pobač ź Dziaržynskim rajvykankamam.
Pastavili skulturu ranicaj 29 červienia, a pobač ź joj raźmiaścili došku, na jakoj vybili «nieśmiarotnuju» cytatu z Łukašenki. Rajonka repartaž ź miesca padziei supravadžaje adpaviednym pafasam.
Kult asoby Łukašenki ŭzmacniajecca, rastuć sumnievy ŭ pieramozie Ukrainy — analityki
Da jubileju kiravańnia Łukašenki ideołahi budujuć kult jaho asoby FOTY
Łukašenka adkryŭ spartkompleks z partretam Cichanoŭskaj?