PSŽ nie budzie praciahvać kantrakt z bramnikam, jaki atrymaŭ udar kapytom
Ryka byŭ hałkipieram paryžan z 2020 hoda, ale pravioŭ za kamandu tolki 24 matčy.
29.06.2024 / 15:36
Serchia Ryka z žonkaj. Fota: fejsbuk Fabrycya Ramana
«Pary Sien-Žermien» vyrašyŭ nie praciahvać kantrakt ź ispanskim hałkipieram Sierchia Ryka, jaki ŭ mai 2023 hoda atrymaŭ ciažkuju traŭmu, zvaliŭšysia z kania, piša RMC Sport.
Ryka byŭ bramnikam paryžan z 2020 hoda, ale pravioŭ za kamandu tolki 24 matčy, u tym liku apošni — u listapadzie 2021-ha.
U mai minułaha hoda Ryka adpraviŭsia ŭ pałomnictva ŭ Andałusiju, dzie jaho koń sutyknuŭsia z čužym kaniom, hałkipier upaŭ i atrymaŭ udar kapytom u vobłaść hałavy i šyi. Jon pravioŭ u lakarni Sievilji ahułam 82 dni, dvojčy byŭ u miedykamientoznaj komie.
U lutym stała viadoma, što bramnik vyrašyŭ viarnucca da trenirovak. PSŽ 14 červienia abviaściŭ pra pierachod ŭ kamandu rasijanina Maćvieja Safonava.
U składzie PSŽ taksama jość hałkipiery Džanłuidžy Donaruma (asnoŭny hałkipier) i Arnau Tenas.
Hałkipier, jaki trapiŭ u komu paśla vypadku z kaniom, ačuniaŭ