Teniska z adchinutym kaŭniarom — letni trend u Amierycy i Jeŭropie
Hetym letam mužčyny viedajuć, što nadzieć dla vychadu ŭ śviet, kab pačuvać siabie karalom viečarynki, — poła z kaŭniarom, ale biez huzikaŭ.
30.06.2024 / 10:38
U kašuli z adchinutym kaŭniarom jość niešta intryhoŭnaje, da taho ž heta dastupnaja reč, jakuju mohuć dazvolić sabie mnohija — hetaje spałučeńnie robić jaje biestsieleram na rynku. Fota: jlindeberg.com
Trendavaja kašula hetaha leta ŭjaŭlaje saboj trykatažnaje poła z adchinutym kaŭniarom. Jaho hałoŭnaja admietnaja rysa — adsutnaść huzikaŭ, praz što frahmient hrudziej uładalnika stanovicca intryhoŭna bačny.
Kali ŭ minułym mužčyny dla vychadu ŭ śviet zapakoŭvali siabie ŭ bliskučyja čornyja kašuli «na vychad», to siońnia jany addajuć pieravahu lohkim poła. A ŭličvajučy, što pachody ŭ kaviarni zamianili kłuby ŭ jakaści baŭleńnia času dla mnohich ludziej ad 20 da 30 hadoŭ, možna ličyć, što poła z adkrytym kaŭniarom — heta kašula dla vychadu ŭ śviet dla novaha pakaleńnia, reziumuje WSJ.
Mužčyny ŭ takich teniskach ź jeździać u mietro, tusujucca ŭ kožnym bary i zachodziać u kožnuju kaviarniu. Heta toje, što jany impulsiŭna kuplajuć pierad adpačynkam u Italii ci Hrecyi i toje, što dazvalaje im vytančana vyhladać na fotazdymkach u instahramie. Dla niekatorych biełaja kašula-poła z adkrytym kaŭniarom stała idealnym varyjantam adzieńnia dla spatkańniaŭ.
Fota: careofcarl.com
Italjanskija śpiecyjalisty ŭ halinie raskošy, takija jak Brunieła Kučynieli i Łora Pijana, prapanujuć raskošnyja poła z adkrytym kaŭniarom amal za 900 dalaraŭ. Ale ich taksama možna kupić i ŭ mas-markiecie: papularnyja pastaŭščyki modnaha adzieńnia, takija jak Zara, Cos, Mango i H&M, pradajuć madeli z adkrytym vyrazam mienš čym za 100 dalaraŭ, a to i značna tańniej.
Pa słovach Kory Robinsana (Corey Robinson), dyrektara amierykanskaj kampanii-rytejlera Abercrombie & Fitch, poła z adkrytym kaŭniarom «zamianili kłasičnyja poła z tkaniny pikie». Upieršyniu hety styl prezientavali kala piaci hadoŭ tamu, što supała z adradžeńniem cikavaści da lohkich letnich kašulaŭ, jakija milhajuć u filmach typu «Talenavity mister Rypli» i «Nažy vonki», a taksama sieryjale «Bieły łotas».
Niekatoryja roźničnyja handlary nazyvajuć hetyja trendavyja kašuli «Džoni» — z namiokam na śpievaka Džoni Mecisa, jaki papularyzavaŭ poła z adkrytymi hrudźmi ŭ 60-ja i 70-ja hady.
Denieł Krejh u filmie «Nažy vonki: Šklanaja cybulina» ŭ kašuli z adchinutym kaŭniarom. Fota: Netflix / Everett Collection
Mnohija mužčyny pierachodziać da pakupki takich kašulaŭ z samaj papularnaj płatformy pa vizualnaj rekłamie — instahrama.
Pryčyna vidavočnaja: vy nie zavajujecie aŭdytoryju, kali paraicie ludziam biehčy i kuplać upryhožanyja bliskaŭkami kamizelki z hłybokim vyrazam, jakija možna ŭbačyć na podyumie Gucci, — heta niepraktyčna i doraha. Ale vy zavajujecie aŭdytoryju, kali vy skažacie: «Hej, prosta pamianiajcie svajo školnaje poła na hetaje, z adchinutym kaŭniarom, jakoje kaštuje nie tak i doraha, ale vy budziecie vyhladać našmat lepš».
Jak kambinavać rečy z nacyjanalnymi matyvami z sučasnymi? Idei ad modnych biełarusak i biełarusaŭ
Svabodu stupniam! Jakija pieravahi i niebiaśpieki toić «basanohi abutak»