Стартавалі пешыя пілігрымкі ў Будслаў. Некаторыя паломнікі пройдуць 300 кіламетраў
Пешыя пілігрымкі ў каталіцкі Нацыянальны санктуарый у Будславе выйшлі 27 чэрвеня з Баранавічаў і Ліды.
28.06.2024 / 10:34
katolik.life
Самы доўгі шлях чакае вернікаў, якія стартавалі з Баранавічаў — цягам 9 дзён яны пройдуць пешшу амаль 300 кіламетраў. Наступным выйдзе паломніцтва з Віцебска — 29 чэрвеня. А з Мінска пілігрымы адправяцца ў шлях 1 ліпеня, піша katolik.life.
Штогод з розных куткоў Беларусі прыходзяць пешшу ў Будслаў каля 2 тысяч паломнікаў. Пілігрымы пераадольваюць шлях да Божай Маці з радаснымі песнямі, малітвамі, нясуць да яе свае просьбы, таксама па дарозе слухаюць канферэнцыі на духоўныя тэмы.
Да паломніцтваў далучаюцца вернікі з тых населеных пунктаў, якія праходзяць пілігрымкі — тут яны начуюць часцей за ўсё ў школах, у некаторых месцах на начлег прымаюць мясцовыя жыхары.
Сёлета ўрачыстасці ў Будславе пройдуць 5—6 ліпеня.
Стала вядома праграма сёлетняга Будслаўскага фэсту
Год як закрыты Чырвоны касцёл. Колькі чакаць яшчэ?
Арцыбіскуп Гуджэроці прызнаўся ў Будславе, што за мяжой вельмі сумаваў па беларускіх драніках