Tramp padčas debataŭ z Bajdenam nazvaŭ nieprymalnymi ŭmovy Pucina pa spynieńni vajny
U ZŠA prajšli pieršyja debaty pamiž Džo Bajdenam i Donaldam Trampam, jakija buduć hałoŭnymi supiernikam padčas vybaraŭ u listapadzie.
28.06.2024 / 07:16
Fota: Rebecca Blackwell / AP
Donald Tramp, u pryvatnaści, zajaviŭ, što ŭmovy spynieńnia vajny va Ukrainie, jakija vysunuŭ rasijski prezident Uładzimir Pucin, źjaŭlajucca nieprymalnymi, piša Bi-bi-si.
Pucin napiaredadni samitu miru ŭ Šviejcaryi zajaviŭ, što ŭmovaj pieramovaŭ źjaŭlajecca vyvad ukrainskich vojskaŭ z akupavanaj Rasijaj terytoryi, a taksama admova Kijeva ad imknieńnia ŭstupić u NATA.
«Nie, jany nieprymalnyja», — adkazaŭ Tramp na pramoje pytańnie viadučaj.
Padčas debataŭ Tramp znoŭ zajaviŭ, što ŭrehuluje kanflikt u vypadku pieramohi na vybarach jašče da aficyjnaha ŭstupleńnia na pasadu, adnak nie ŭdakładniŭ, jakim čynam jon maje namier heta zrabić.
Havoračy ab vyvadzie amierykanskich vojskaŭ z Afhanistana ŭ 2021 hodzie, Tramp nazvaŭ jaho «samym haniebnym momantam u historyi krainy» i zajaviŭ, što niekampietentnaść ZŠA ŭ toj momant u tym liku padšturchnuła Rasiju da ŭvarvańnia va Ukrainu.
«Ja nikoli ŭ žyćci nie čuŭ stolki brachni», — skazaŭ na heta Bajden. Jon nazvaŭ Uładzimira Pucina vajennym złačyncam i zajaviŭ, što jon nie maje namieru spyniacca na Ukrainie.
Daradcy Trampa padali płan spynieńnia vajny Rasii suprać Ukrainy
Stali viadomyja praviły debataŭ Trampa z Bajdenam
Treci kandydat. U Robierta Kienedzi-małodšaha ŭsio bolš šancaŭ uklučycca ŭ prezidenckuju honku ŭ ZŠA