U BiełAZa źjaviŭsia niezvyčajny kankurent ź Japonii. Jon pieršy ŭ svaim rodzie i voś čamu
Novy karjerny samasvał ad japonskaj firmy Hitachi paśpiachova prajšoŭ usie vyprabavańni i ŭžo pracuje ŭ Zambii.
28.06.2024 / 08:12
Pieršy ŭ śviecie całkam elektryčny karjerny samazvał z padzaradkaj na chadu, jaki moža pracavać niaspynna. Zrobleny ŭ Japonii. Fota: Hitachi Construction Machinery
Hałoŭnaj fiškaj mašyny źjaŭlajucca tralejbusnyja štanhi i najaŭnaść całkam elektryčnaha ruchavika, što ŭ sukupnaści robić pracu samasvała niaspynnaj i dazvalaje jamu padzaradžacca na chadu, piša partał New Atlas.
Kampanija śćviardžaje, što dadzienaja inavacyja źjaŭlajecca pieršaj u śviecie, bo całkam prybiraje vuhlarodnyja vykidy i značna skaračaje vytvorčyja vydatki. Samazvału nie treba spyniacca ci pastajanna znachodzicca pad elektralinijami, a jahonaja kanstrukcyja dazvalaje brać na siabie ŭ siarednim 221 tonu karysnaj nahruzki (maksimalnuju hruzapadymalnaść kampanija Hitachi pakul nie raskryvaje. Naprykład, u BiełAZa jana składaje ad 450 da 500 ton. — «NN»).
Z charaktarystyk novaha samazvała viadoma tolki toje, što jahonaja daŭžynia składaje 14 mietraŭ, dyjamietr šyn — 74 santymietry, a sama mašyna siłkujecca ruchavikom vytvorčaści Cummins mahutnaściu 2500 konskich sił.
Novy karjerny samasvał Hitachi. Fota: Hitachi Construction Machinery
MAZ i BiełAZ praciahvajuć asprečvać sankcyi Jeŭrasajuza
«My adna siamja». Dylery BiełAZa, źviazanyja z synami Łukašenki, zarablajuć, jak sam BiełAZ
Biełaruś udvaja skaraciła pastaŭki kaliju ŭ Kitaj — vyciskajuć Rasija i Kanada