Za niehatyŭny kamientar pra Łukašenku žycharku Mahilova asudzili na paŭtara hoda kałonii
U sudzie Leninskaha rajona Mahilova za niehatyŭny kamientar pad fatahrafijaj Łukašenki ŭ čacie asudzili Alenu Dubroŭskuju. Sudździa Alena Litvina 17 krasavika pryznała jaje vinavataj pavodle č.1 art. 368 Kryminalnaha kodeksa, piša «Viasna».
27.06.2024 / 14:46
Pavodle viersii abvinavačvańnia, Alena Dubroŭskaja, vykarystoŭvajučy mabilny telefon, pad dopisam z fatahrafijaj Alaksandra Łukašenki, apublikavanych u «ekstremisckim čacie», raźmiaściła kamientar ź niehatyŭnaj acenkaj asoby Łukašenki, jaki źmiaščaje nienarmatyŭnuju formu maŭlenčaha vykazvańnia. U sudovym pasiadžeńni žančyna pryznała vinu całkam.
U vyniku sud Leninskaha rajona Mahilova asudziŭ jaje da adnaho hoda i šaści miesiacaŭ kałonii.
Alena Dubroŭskaja padavała apielacyjnuju skarhu. Sudovaja kalehija Mahiloŭskaha abłasnoha suda razhledzieła jaje 20 červienia, ale pakinuła skarhu biez zadavalnieńnia, a prysud — bieź źmieny.
Ihara Karnieja etapavali ŭ škłoŭskuju kałoniju
Palinie Šarendzie-Panasiuk pryznačyli čarhovuju psichołaha-psichijatryčnuju ekśpiertyzu