Jakaja majomaść jość u Dźmitryja Krutoha — novaha kiraŭnika Administracyi Łukašenki?
Kaliści jon byŭ samym maładym ministram va ŭradzie.
27.06.2024 / 14:53
Dźmitryja Krutoha 27 červienia 2024 hoda pryznačyli kiraŭnikom Administracyi Łukašenki. Fota: pres-słužba Pasolstva Biełarusi ŭ Rasii
Dźmitryju Krutomu 43 hady. Da svajho pryznačeńnia kiraŭnikom łukašenkaŭskaj Administracyi jon byŭ pasłom Biełarusi ŭ Rasii.
U roznyja hady pracavaŭ taksama ministram ekanomiki, pieršym namieśnikam premjera. Ahułam u sistemie dziaržkiravańnia Kruty z 2010 hoda.
U čynoŭnika jość čatyrochpakajovaja kvatera ŭ Minsku — na vulicy Hiermanoŭskaj, 17 (takija danyja ŭ bazach «Biełpoła» pa stanie na 2021 hod). Heta niedaloka ad stancyi mietro «Kavalskaja Słabada». Kvateru čynoŭnik pabudavaŭ u 2012 hodzie.
10-paviarchovik na Hiermanoŭskaj, 17. Fota: «Jandeks Panarama»
Čatyrochpakajoŭka ŭ hetym domie, amal takaja ž pa mietražy, jak u čynoŭnika, ciapier pradajecca amal za 135 tysiač dalaraŭ.
U žonki Krutoha Maryi, zhodna z danymi «Biełpoła», taksama značycca va ŭłasnaści kvatera ŭ Minsku. Heta adnuška ŭ chruščoŭcy na Karła Libkniechta, 94. Jaje žančyna nabyła jašče ŭ 2001 hodzie.
Žoŭty dom na Karła Libkniechta, 94. Fota: «Jandeks Panarama»
Adnapakajoŭku ŭ hetym domie ciapier možna kupić za 43 tysiačy dalaraŭ.
«Časta łamaŭ ruki i nohi». Piać faktaŭ pra Dźmitryja Krutoha
Kiraŭnikom Administracyi Łukašenki staŭ Dźmitryj Kruty