Ci spynilisia ataki mihrantaŭ na polskaj miažy paśla pahrozy zakryć jaje i kitajskaha papiaredžańnia?
Jak paviedamlaje polskaja pamiežnaja słužba, mihranty praciahvajuć sproby nielehalna trapić u Polšču.
27.06.2024 / 10:55
Pavodle polskaha boku, za minułyja sutki było zafiksavana 150 sprob mihrantaŭ prarvacca praź miažu, 25 červienia — 100 sprob, 24 červienia — 80. Z 21 pa 23 červienia takich sprob było 330.
Mihranty pa-raniejšamu prajaŭlajuć ahresiju i zakidvajuć polskich pamiežnikaŭ kamianiami.
Prezident Polščy Andžej Duda z 22 pa 26 červienia znachodziŭsia ź vizitam u Kitai. Tam jon, siarod inšaha, abmierkavaŭ sa staršyniom KNR Si Czińpiniem mihracyjny kryzis na miažy ź Biełaruśsiu i raskazaŭ pra hibiel polskaha žaŭniera paśla ataki mihranta. Andžej Duda papiaredziŭ kiraŭnika KNR Si Czińpina pra abvastreńnie situacyi na biełaruskaj miažy, mahčymym pierakryćci jaje i mahčymych nastupstvach hetaha dla kitajskaj łahistyki tavaraŭ.
U adkaz upieršyniu z momantu kryzisu na miažy Biełarusi z susiedziami Kitaj aficyjna prakamientavaŭ situacyju.
Z ulikam taho, što Piekin imkniecca nie ŭmiešvacca ŭ kanflikty, jakija adbyvajucca ŭ śviecie, hetuju zajavu možna razhladać jak surjozny sihnał niezadavolenaści pazicyjaj biełaruskich uładaŭ, ličyć palitołah Valeryj Karbalevič.
Polšča i krainy Bałtyi prosiać pra abarončuju liniju na miažy z Rasijaj i Biełaruśsiu
Ministr abarony Polščy nazvaŭ mihrantaŭ na miažy «ordami bandytaŭ»
Duda: Hibrydnaja ataka na miažy ź Biełaruśsiu pieraškadžaje partniorstvu Polščy z Kitajem
Kitaj pierajšoŭ na kryk pa pytańni biełaruska-polskaj miažy. Jak adreahuje Łukašenka?