Detali zvalnieńnia byłoha pasła ŭ Hiermanii, jaki pajšoŭ z žyćcia ŭ 48 hadoŭ
Siońnia stała viadoma, što skončyŭ žyćcio samahubstvam były pasoł Biełarusi ŭ Hiermanii Dzianis Sidarenka. Jon 8 hadoŭ zajmaŭ hetu pasadu i byŭ vyzvaleny ad jaje ŭ sakaviku hetaha hoda. Pavieł Łatuška padzialiŭsia niekatorymi detalami pra byłoha dypłamata.
26.06.2024 / 20:08
«My znajomyja kala 20 hadoŭ. Pamiataju jaho pa pracy kiraŭnikom kirunku supracy z ABSIE, Radaj Jeŭropy. Małady, vielmi razumny, uzvažany dypłamat. Ja b jaho ŭsprymaŭ chutčej jak čałavieka Uładzimira Makieja, taho, chto pradstaŭlaŭ ideałohiju narmalizacyi adnosin ź Jeŭropaj. Jon prademakratyčnych pohladaŭ čałaviek».
U Sidarenki sioleta skončyŭsia kantrakt. U dziaržaŭnaj sistemie, kali dypłamat viartajecca z zamiežnaj kamandziroŭki, jaho kantrakt abnulajecca i zaklučajecca novy. Razhladałasia pracaŭładkavańnie Sidarenki ŭ centralnym aparacie MZS.
Ale, pa infarmacyi Łatuški, były pasoł nie prajšoŭ palihraf ź pieršaha razu. Łatuška miarkuje, što nie prajšoŭ i z druhoha razu, tamu nie zmoh praciahnuć pracu ŭ MZS. I heta stresavaja situacyja mahła paŭpłyvać na jaho psichičny stan.
Pasoł Sidarenka pakončyŭ z saboj, nie vytrymaŭ dopytaŭ KDB
Pamior 48-hadovy były pasoł u Hiermanii Dzianis Sidarenka
Łukašenka źniaŭ z pasady pasłoŭ u skandynaŭskich krainach, Niamieččynie i Kyrhyzstanie
U aficyjnaha Minska zastalisia ŭsiaho try pasły ŭ krainach Jeŭrasajuza z raniejšych 15