Brescki abłvykankam patraciŭ 8500 rubloŭ na suvienirnych zubroŭ. Ich kalekcyjanuje staršynia
Brescki abłvykankam u červieni 2024 hoda abjaviŭ dva tendary na zakupku suvienirnych zubroŭ. Dziaržorhan chacieŭ kupić piać kieramičnych zubroŭ za 4000 rubloŭ i šeść draŭlanych za 4500. Hrošy na zakupki vydzialali z abłasnoha biudžetu, piša BGMedia.
26.06.2024 / 18:19
Fota: Brescki abłvykankam
U techničnym zadańni čynoŭniki raśpisali charaktarystyki statuetak.
Kieramičnyja zubry pavinny być vyrablenyja pa technałohii ručnoj lepki, akramia taho, patrabavalisia abpał u elektryčnaj piečcy i alejny abpał. Aryjencirovačnyja pamiery zubra — 37ch17 sm. Statuetki vykananyja pa indyvidualnaj zamovie i pa ŭzhadnieńni z Bresckim abłvykankamam. Zhodna z tendaram, adzin taki zubr abyšoŭsia ŭ 798,91 rubla.
Draŭlany zubr kaštavaŭ 755,14 rubla. Pa techničnym zadańni, statuetka pavinna być na padstaŭcy, zroblena ź lipy raźbianym sposabam i ručnoj pracaj u karyčnievym i ciomna-karyčnievym kolerach. Pry hetym draŭlany zubr vyšejšy za zubra z kieramiki: vyšynia z padstaŭkaj 40 sm, daŭžynia padstaŭki — 35 sm, daŭžynia zubra — 40. Cikava, što vielmi padobnaha draŭlanaha zubra ručnoj raboty ŭ internecie možna znajści za 400 rubloŭ.
Fota: gallereya.by
Navošta abłvykankamu spatrebiłasia adrazu 11 suvienirnych zubroŭ, nieviadoma. Ale jość cikavy fakt: takich zubroŭ kalekcyjanuje staršynia abłvykankama Juryj Šulejka, pra što jon raskazvaŭ u intervju aficyjnym ŚMI. U jaho pracoŭnym kabiniecie staić kalekcyja z bolš čym 20 statuetak.
U Biełaviežskaj puščy źjaviŭsia novy łahatyp
Sacsietki kramy adzieńnia i suvieniraŭ «Kniaź Vitaŭt» pryznali «ekstremisckimi»