Камітэт дзяржкантролю пачаў праверку буйнога банка
У праверцы ўдзельнічае і Дэпартамент фінансавых расследаванняў.
26.06.2024 / 14:45
Фота: Парытэтбанк
Спецыялісты ДФР падчас праверкі разгледзяць пытанні выканання заканадаўства пры ажыццяўленні банкаўскіх аперацый кліентаў банка.
Акрамя таго, кантралёры маюць намер праверыць напрамкі выкарыстання прыбытку, аперацыі банка з нерэзідэнтамі, арганізацыю сістэмы карпаратыўнага кіравання і працу са зваротамі грамадзян.
Банк быў створаны ў 1991 годзе, з 2004-га ён носіць цяперашнюю назву Парытэтбанк. Ён з'яўляецца членам банкаўскай асацыяцыі краін Цэнтральнай і Усходняй Еўропы.
У Парытэтбанка таксама ёсць ліцэнзія для біржавой дзейнасці з каштоўнымі паперамі.