Zabaŭny fakt: na vychad u płej-of Jeŭra-2024 z trecich miescaŭ pretendujuć vyklučna kamandy byłoj Aŭstra-Vienhryi
I bolš nichto!
25.06.2024 / 11:54
Zaŭziatary Aŭstryi. Fota: Ebrahim Noroozi / AP
U 1/8 finału čempijanatu Jeŭropy pa futbole vychodziać pa dźvie najlepšyja kamandy z hrupy, a taksama čatyry z šaści lepšych, što zaniali (zojmuć) trecija miescy.
Dyk voś zaraz trecija miescy zajmajuć vyklučna kamandy krain byłoj Aŭstra-Vienhryi: Aŭstryja, Słavakija, Vienhryja, Słavienija, Charvatyja i Čechija. I bolš nichto nie zdoleŭ upliščycca.
soccerstand.com
Charvatyja paśla ŭčorašniaj ničyi ź Italijaj amal straciła šancy, a Čechija jašče moža ŭ apošnim matčy pieramahčy Turcyju i padniacca ŭ hetaj tablicy.
Pucioŭki ŭ płej-of užo zavajavali Hiermanija, Šviejcaryja, Ispanija, Italija, Anhlija, Francyja, Niderłandy, Partuhalija.
U hrupie Je na vychad u płej-of pretendujuć taksama Rumynija i Ukraina, ziemli jakich častkova ŭvachodzili ŭ Aŭstra-Vienhryju.
Siońnia na Jeŭra-2024 zavieršacca matčy ŭ hrupach S i D.
Francyja — Polšča, Niderłandy — Aŭstryja (19:00).
Francyja — 4, Niderłandy — 4, Aŭstryja — 3, Polšča — 0.
Polšča nie maje šancaŭ na 3-je miesca.
Anhlija — Słavienija, Danija — Sierbija (22:00).
Anhlija — 4, Danija — 2, Słavienija — 2, Sierbija — 1.
Italija zdoleła na apošniaj chvilinie vyrvać ničyju ŭ Charvatyi VIDEA
Vienhryja na apošniaj chvilinie vyrvała pieramohu ŭ Šatłandyi VIDEA
Padčas hulni Šatłandyja — Vienhryja na Jeŭra zdaryłasia žudasnaja traŭma