Žančyna chadziła pa Breście z rasijskim ściaham. Ale adkaznaściu pahražajuć nie joj, a tamu, chto heta zaŭvažyŭ
Videa kanfliktu z Bresta apublikavaŭ kanał siłavikoŭ, tam paabiacali izalatar biełarusam, jakija aburylisia rasijskamu ściahu z zet-simvolikaj na biełaruskich vulicach.
25.06.2024 / 10:27
Žycharka Bresta, jakaja aburyłasia pravajennaj simvolikaj na vulicach horada
Žycharka Bresta pabačyła ŭ horadzie rasijski ściah z zet-simvolikaj na im. Jana zapatrabavała schavać ściah z pravakacyjnaj simvolikaj i pryhraziła vyzvać milicyju. «U mianie pa horadzie chodzić čałaviek i machaje ściaham. Mnie cikava, ź jakoj metaj vy heta robicie», — spytała jana.
Ludzi z rasijskim ściaham, tvaraŭ jakich na videa niama, adkazali, što ŭ Breście nie suprać, kab tut chadzili z takimi ściahami.
Ale da žančyny dałučyŭsia inšy bieraściejec, jaki padtrymaŭ abureńnie zet-simvolikaj. Jon skazaŭ, što biełarusam «heta nie treba».
Hubazikaŭcy, jakija apublikavali videa, vystupili na baku prarasijskich aktyvistaŭ. Jany paviedamili, što žančyna, jakaja vystupiła suprać prapahandy vajny na vulicach Bresta, «u toj ža dzień vyjechała z krainy ŭ Polšču», jašče «ŭ 2020 jana ŭ ekstremisckich čatach zaklikała da biesparadkaŭ».
«Čakajem ź nieciarpieńniem jaje viartańnia. A voś jaje zmoŭščyka vy chutka ŭbačycie, jon užo ŭ izalatary», — dadali hubazikaŭcy.
Doktaru Cimuru Łozku z bresckaha «Łade» šyjuć finansavańnie teraryzmu — da dvaccaci hadoŭ kałonii
Palitźniavolenaja Palina Šarenda-Panasiuk praviała 70 dzion u ŠIZA z pačatku hoda