U Minsk prylacieŭ Siarhiej Łaŭroŭ
Vizit kiraŭnika MZS RF prymierkavany da 32-j hadaviny ŭstanaŭleńnia dypłamatyčnych adnosin pamiž dźviuma krainami
24.06.2024 / 15:40
Ministr zamiežnych spraŭ RF Siarhiej Łaŭroŭ prybyŭ z dvuchdzionnym aficyjnym vizitam u Biełaruś. Samalot kiraŭnika rasijskaj dypłamatyi pryziamliŭsia ŭ aeraporcie Minska, piša TASS.
Aficyjny pradstaŭnik MZS RF Maryja Zacharava adznačała, što vizit prymierkavany da 32-j hadaviny ŭstanaŭleńnia dypłamatyčnych adnosin pamiž dźviuma krainami.
Pavodle słoŭ dypłamata, prahramaj vizitu praduhledžany sustrečy Łaŭrova z Alaksandram Łukašenkam, staršyniami Savieta Respubliki i Pałaty pradstaŭnikoŭ Natallaj Kačanavaj i Iharam Siarhiejenkam. Akramia taho, kiraŭnik MZS RF praviadzie pieramovy ź biełaruskim kaleham Siarhiejem Alejnikam.
Čakajecca, što Łaŭroŭ uskładzie vianok da manumienta Pieramohi i vystupić pierad słuchačami i vykładčykami Akademii kiravańnia.