Stryžak u dzień narodzinaŭ arhanizavaŭ dabračynny aŭkcyjon. Adzin z łotaŭ vielmi niezvyčajny
Z nahody svajho dnia narodzinaŭ kiraŭnik fondu «Bajsoł» Andrej Stryžak vyrašyŭ zładzić dabračynny aŭkcyjon. Na jaho jon vystaviŭ dva łoty ź pieršapačatkovaj canoj u 39 jeŭra (stolki hod spoŭniłasia aktyvistu). Hrošy pojduć na školny zbor dla dziaciej palitviaźniaŭ.
23.06.2024 / 22:32
Andrej Stryžak. Fota: fejsbuk
Adnym z łotaŭ stała butelka ihrystaha «Krym» z Bachmuta.
«Hetaj butelcy nie mienš za 20 hadoŭ, i niechta z vas naradziŭsia razam z hetym vinom», — napisaŭ Stryžak u fejsbuku.
Niekatoryja žartavali: ci možna heta ihrystaje naohuł pić?
Łot u vyniku pradali za 400 jeŭra.
Butelki, vystaŭlenyja na aŭkcyjon. Fota: fejsbuk
Druhim łotam stała butelka čyrvonaha ispanskaha vina Jean Leon. Vinu 39 hadoŭ. Jaho aktyvist vypadkova znajšoŭ u katałonskaj viaskovaj vinnaj kramie.
«Z takim starym suchim vinom nikoli nie viedaješ, ci ŭ butelcy vino, ci vocat. Tym cikaviej hety łot», — adznačyŭ Stryžak.
Staŭki na hetu butelku jašče prymajucca.