«Naša Niva» źmianiła dyzajn. Raskazvajem pra novyja funkcyi
jak vam?
My nie prosta źmianili vizualnaje abličča sajta, ale i dadali novyja funkcyi, jakija zrobiać čytańnie sajta Nashaniva.com bolš zručnym.
26.06.2024 / 13:49
Novy dyzajn sajta Nashaniva.com na desktopie.
Apošni raz «Naša Niva» abnaŭlała dyzajn u 2016-m hodzie. U toj čas bolš za pałovu našych čytačoŭ zachodzili na sajt sa svaich kampjutaraŭ. Mienavita tamu pry raspracoŭcy taho dyzajnu tady pieršasnaj była desktopnaja viersija dla vialikich ekranaŭ.
Siońnia 85% karystalnikaŭ čytajuć nas sa smartfonaŭ. Naš novy dyzajn raspracoŭvaŭsia z razumieńniem hetaha.
Ciapier pieršaje, što vy ŭbačycie, kali adkryjecie sajt Nashaniva.com z mabilnaha telefona, — heta stužka apošnich navin. Jana raźmieščanaja haryzantalna, a heta značyć, što vam dastatkova adkryć hałoŭnuju staronku, kab chutka zrazumieć, što adbyłosia za apošnija hadziny. Hartajcie naprava, kab pabačyć novyja zahałoŭki.
Pieršy ekran Nashaniva.com u novym dyzajnie.
Pad stužkaj navin — samy važny materyjał na hety momant. Heta toje, čamu my addajom pryjarytet i raim vam pračytać u pieršuju čarhu. Adrazu pad im idzie stužka hałoŭnych navin dnia.
Dalej błoki materyjałaŭ «Redakcyja rekamienduje», «Samaje čytanaje», «Samaje kamientavanaje», «Samaje łajkanaje» i «Najbolš reakcyj», jakija ŭpadabała vialikaja kolkaść čytačoŭ, čarhujucca z navinami raździełaŭ «Historyja», «Navuka i technałohii», «Zdaroŭje», «Ježa», «Kino» i inšymi. My dadali haryzantalnyja hartałki ŭva ŭsie rubryki, tamu vy možacie lohka adšukać toje, što adpaviadaje vašym cikaŭnaściam.
Najaŭnaść abrezanaj karcinki sprava padkaža, što ŭ hety błok ubudavanaja funkcyja hartańnia.
My abnavili styl błoka pad hałoŭnym artykułam, zrabili jaho bolš zaŭvažnym. Tut redaktary źmiaščajuć inšyja važnyja teksty pa temie, jakaja vas zacikaviła. Źviartajcie ŭvahu na hetyja zahałoŭki — časta tam pieradhistoryja padziej albo źviazanyja sensava artykuły.
My abnavili styl łajkaŭ, i ciapier našy reakcyi identyčnyja emodžy ŭ papularnych miesiendžarach.
Ciapier pad tekstami možna stavić sercajki ŭpadabanym hierojam.
Dačytaŭšy da kanca tekst, vam nie treba hartać uvierch staronki, kab viarnucca na hałoŭnuju. Hartajcie ŭniz — adrazu pad tekstam iduć apošnija hałoŭnyja naviny. Kali vy dahartajecie da samaha nizu, staronka aŭtamatyčna abnovicca i vy viernieciesia na startavuju.
Spadziajomsia, vy chutka pryzvyčaiciesia da novaj viersii sajta i ŭpadabajecie novyja mahčymaści. My budziem radyja vašym vodhukam, tamu dzialiciesia emocyjami ŭ kamientarach.
Padtrymajcie nas praz Patreon, kab my zmahli bolš
Što rabić? Redaktar «Našaj Nivy» prapanuje prosty adkaz