U Homieli žančyna skoknuła z 16-ha paviercha. U jaje była ankałohija na apošniaj stadyi
Pra toje, što ŭ Homieli na vulicy Kožara žančyna vypała z akna na 16-m paviersie, paviedamili čytačy vydańnia «Mocnyja naviny», prysłaŭšy navat adpaviednaje videa.
21.06.2024 / 18:03
Pa słovach vidavočcaŭ, jany pačuli hučnyja kryki na vulicy i stali mižvolnymi śviedkami trahiedyi: pažyłaja žančyna stajała na bałkonie 16 paviercha niekalki chvilin, potym skoknuła ŭniz.
Usio śviedčyć pra toje, što adbyłosia samahubstva, i navat možna zdahadacca pra jaho pryčynu. Pa słovach susiedziaŭ, u žančyny dyjahnastavali ankałahičnaje zachvorvańnie na apošniaj stadyi i litaralna na dniach vypisali z balnicy. U kvatery jana žyła adna.
Susiedka taksama raskazała, što pierad trahiedyjaj žančyna pieradała susiedu svoj mabilny telefon.
Praciahły čas jana stajała na padvakońniku pierad tym, jak skoknuć, i narešcie navažyłasia.
La Hrodna ździejśniŭ samahubstva 22-hadovy pamiežnik. Jon znachodziŭsia ŭ naradzie
Były kuratar hrupy samazabojcaŭ «Sini kit» ciapier raskazvaje školnikam pra vajnu i patryjatyzm