Łukašenka prapanuje zapuścić pamiž Minskam i Dziaržynskam strunny transpart
Kab dabiracca da stalicy za 20 chvilin.
21.06.2024 / 20:02
Łukašenka ŭ Dziaržynsku. Skryn videa «Puł pieršaha»
Alaksandr Łukašenka ŭ čas pracoŭnaj pajezdki ŭ Dziaržynsk raskazaŭ, što ŭ nastupnyja piać hadoŭ spadziajecca źviazać harady-spadarožniki (Łahojsk, Dziaržynsk, Smalavičy) i Minsk chutkim transpartam.
«Pavinna być čyhunka, a pa joj musić chadzić vielmi chutkaja technika. Moža, heta buduć, jak mietro, ciahniki, moža, jašče štości prydumajem. Strunny transpart, jaki my sprabujem daŭno ŭžo», — paabiacaŭ Łukašenka sabranym na płoščy haradžanam.
Meta — kab daroha ź Dziaržynska da stalicy zajmała 20 chvilin i ludziam zručniej było jeździć na pracu.
Strunny transpart — heta prajekt SkyWay Anatola Junickaha. Ideja ŭ tym, kab puskać bieśpiłotnyja mini-ciahniki pa padviesnych rejkach. Abiacajuć, što jany buduć razhaniacca da 500 km/h i chutka akuplacca. Hučyć pryhoža, ale za hady, što kampanija hučna rekłamuje svaju raspracoŭku, dalej za vyprabavalnyja palihony sprava nie zrušyła.
Prajekt strunnaha transpartu. Fota: unitsky.engineer