Mahiloŭskaja kieramistka atrymała za pierasłanaje videa z vybarčaha ŭčastka turemny termin
U sudzie Leninskaha rajona Mahilova 30 maja asudzili Alenu Karpienku pavodle č. 2 art. 367 (paklop na Łukašenku) Kryminalnaha kodeksa. Sudździa Taćciana Kaściuk pryznačyła Alenie adzin hod i šeść miesiacaŭ pazbaŭleńnia voli ŭ kałonii va ŭmovach ahulnaha režymu, piša «Viasna».
20.06.2024 / 17:33
Alena Karpienka
Dziaržaŭnaja prapahanda abvinavaciła dziaŭčynu ŭ tym, što jana zapisała videa, jak vybarčy ŭčastak №87 (byŭ raźmieščany na terytoryi Mahiloŭskaj abłasnoj psichijatryčnaj balnicy) zakryŭsia raniej za aficyjny čas. Pa viersii prapahandystki Kryściny Barmuckaj, dziaŭčyna adpraviła rolik u «ekstremiscki kanał», adnak nasamreč jana adpraviła videa siabroŭcy za miažu. Paśla incydentu Alena atrymała administracyjny aryšt.
Niejki čas dziaŭčyna pracavała architektarkaj, a paśla stała mastačkaj. Jana robić roznyja ŭpryhožańni dy posud z kieramiki, a taksama zajmajecca kalihrafijaj i rośpisam.
U Mahilovie buduć sudzić mastačku, jakaja źniała videa na vybarčym učastku
Zatrymanaja na vybarčym učastku mastačka-kieramistka Alena Karpienka znachodzicca ŭ mahiloŭskim IČU