У КНДР Пуціну падарылі ягоны партрэт: афармленне падобнае да надмагільнага
Акрамя таго, госцю прэзентавалі і традыцыйны бюст.
20.06.2024 / 17:24
Фота: ЦТАК
Цэнтральнае тэлеграфнае агенцтва КНДР паказала падарункі, якія паднёс Уладзіміру Пуціну Кім Чэн Ын падчас візіту расійскага кіраўніка ў Пхеньян.
Сярод прэзентаў вылучаецца дзіўны партрэт Пуціна. Твар палітыка змешчана ў авальную рамку, што робіць партрэт падобным да традыцыйных помнікаў на могілках у Расіі.
Акрамя таго, Пуціну падарылі і ягоны бюст. Дарадца палітыка Мікалай Ушакоў да гэтага назваў гэтыя падарункі «дастаткова мастацкімі», аднак расійскі бок іх грамадскасці не паказваў.
Таксама Пуціну падарылі сабаку рэдкай паўночнакарэйскай пароды пхусан. У адказ госць прэзентаваў Кіму лімузін Aurus, чайны сервіз і адміральскі корцік.
У Пхеньяне Пуціну падарылі двух сабак рэдкай паўночнакарэйскай пароды
«Кім — адзіны тоўсты чалавек, якога я там бачыў». Беларус расказаў, як ён пабываў у КНДР