Гарох з цвіллю і гурбы ў халадзільніку: у Брэсце КДК закрыў рэстаран і знішчыў 90 кілаграмаў прадуктаў
Рэстаран не будзе працаваць да ліквідацыі недахопаў.
20.06.2024 / 11:49
Фота: КДК
Кантралёры прыпынілі працу аднаго з брэсцкіх рэстаранаў пасля сумеснай з гарадскім цэнтрам гігіены, эпідэміялогіі і грамадскага здароўя праверкі.
Камітэт дзяржкантролю паведамляе, што ў рэстаране ў вытворчасці выкарыстоўвалася сыравіна і ежа з парушэннем цэласнасці ўпакоўкі, без маркіроўкі, наяўнасці дакументаў, якія пацвярджаюць яе якасць і бяспеку, мінулымі тэрмінамі прыдатнасці, якая страціла таварны выгляд. У прыватнасці, на адным з фота бачны гарох з цвіллю.
Частка прадуктаў захоўвалася навалам у забруджаным лары, у праходах без падтаварнікаў, былі парушаныя правілы таварнага суседства.
У нізкатэмпературнай маразільнай камеры (-18 С°) на прадуктах утварыліся гурбы снегавай «футры» і лёду, аналагічная сітуацыя на сценах, столі і дзвярах маразілкі. Таксама была парушаная тэхналогія прыгатавання ежы.
У выніку, кантралёры ўтылізавалі больш за 90 кг прадуктаў. Рэстаран будзе зачынены да ліквідацыі ўсіх парушэнняў.
У Брэсце закрылі рэстаран, бо ўладальнікі развялі ў ім антысанітарыю
Камітэт дзяржкантролю пайшоў у рэйды па базарах — правярае цэны і «няправільных» пасярэднікаў
Камітэт дзяржкантролю на тры дні адкрыў гарачую лінію па пытаннях ЖКГ