Дырэктару студыі гуказапісу і гітарысту Алегу Лядзенку далі хатнюю хімію за ўдзел у пратэстах
У судзе Маскоўскага раёна Мінска 28 мая асудзілі Алега Лядзенку паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).
18.06.2024 / 13:16
Суддзя Таццяна Матыль прызначыла Алегу два гады і шэсць месяцаў абмежавання волі без накіравання ў папраўчую ўстанову адкрытага тыпу («хатняй хіміі»).
Мужчыну абвінавацілі ва ўдзеле ў акцыях пратэсту ў 2020 годзе ў Мінску і выхадзе на праезную частку. 'Як паведамляецца ў судовай пастанове, Алег «выкарыстоўваў у якасці пратэснай сімволікі палотнішча бел-чырвона-белага колеру». Яго апазналі па фотаздымках з пратэснай акцыі.
Пры затрыманні ў Алега арыштавалі гітару і тэлефон, якія вярнулі пасля абвяшчэння прысуду.
Стаў вядомы завочны прысуд Леаніду Судаленку
Сілавікі затрымалі беларуса, які адправіў у ЧКБ звесткі суддзі Кастрычніцкага раёна Мінска